रविको सुरक्षा गरेर बसेका डिएसपीले मुख खोल्दै भने, ‘रविले श्रीमतीको फेसबुक प्रयोग गरि गलत प्रचार गरे’ (भिडियो)

सूचना दैनिक
शुक्रबार, भदौ ६, २०७६

प्रहरी प्रवक्ता एकनारायण कोइरालाले प्रहरी हिरासतभित्र कोही पनि असुरक्षित नहुने बताएका छन् । चितवन जिल्ला प्रहरी कार्यालयका डिएसपी तथा प्रहरी प्रवक्ता कोइरालाले रवि लामिछाने अहिले पनि अनुसन्धानकै क्रममा रहेको उनले बताए ।

अरु जसरी हिरासतमा बस्छन् रवि पनि त्यसरी नै बसेको उनको भनाई छ । कोइरालाले प्रहरी हिरासतमा बसेको मानिसले सन्देश जारी गर्न नसक्ने बताए । रवि लामिछानेले आफ्नो श्रीमतीको सामाजिक सञ्जाल प्रयोग गरेर प्रहरीसंग नै आफु असुरक्षित रहेको भन्ने सूचना जारी गरेको बारे आफुले जानकारी पाएको बताए ।


अनुसन्धानको क्रममा रहेको मुद्दाका विषयमा यसरी सन्देश जारी गर्दा विषयान्तर गर्न खोजेको भन्ने बुझिन्छ । उनले हिरासतमा कहिले २ सय सम्म पनि अभियुक्त हुने भएकाले रविको मात्र होइन सबै अभियुक्तहरुको सुरक्षाको जिम्मा आफुहरुको हुने भएकाले रवि असुरक्षित हुन नपर्ने उनले बताए । पर्सी आइतवार रवी लामिछानेलाई हिरासतमा राख्नका लागि अदालतले दोस्रो पटक दिएको म्याद सकिदैछ । आइतवार रवि समर्थकहरुले र्याली निकाल्ने घोषणा गरिसकेका छन् ।

उनीहरुले रवि लामिछाने आइतवार रिहा हुने र फूलमाला लगाएर लैजाने भन्दै अभिब्यक्ति पनि दिइसकेका छन् । रवि लामिछानेका दाईले यस्तो अभिब्यक्ति दिएका हुन् । प्रहरी प्रवक्ता कोइरालाले शान्तिपूर्ण रुपमा निस्कने र्याली जुलुसलाई नरोक्ने बताउँदै सम्बेदनशिल क्षेत्रहरुमा भने जुलुस धर्ना दिने कामलाई शान्तिपूर्ण मान्न नसकिने बताए ।

चितवनमा यस अघि नै सभा जुलस गर्न नदिने भनेर घोषणा गरिएको स्थानमा र्याली जुलुस भने गर्न नदिने बताए । शान्तीपूर्ण रहेको अवस्थालाई भद्रगोल बनाउने काम भयो भने प्रहरीले त्यसै छोड्दैन । उनले रवि लामिछानेको २२ जना समर्थकलाई प क्राउ गरेको जानकारी दिए । त्यस मध्ये ४ जना धरौटी बुझाएर रिहा भइसकेको र बाँकी १८ जनाको विषयमा पनि आइतवार सम्म निर्णय हुने बताए ।

उनले रवि लामिछाने कहिले रिहा हुन्छन् भन्ने कुरा भने बताउन नमिल्ने बताए । अनुसन्धानको क्रममा भएको विषयमा अहिले नै खुलाउन नमिल्ने भन्दै उनले अनुसन्धान नसकिएको हकमा रवि रिहा हुन नसक्ने बताए । रिहा हुने वा नहुने भन्ने कुरा अनुसन्धानमा भर पर्ने उनको भनाई छ । उनले चितवनका सबै होटलहरुमा सीसीटीभी राख्न निर्देशन दिएको बताए ।