घटेको घट्यै छ सुनको मूल्य, हेर्नुहोस् आजको बजार भाउ

सूचना दैनिक
मङ्लबार, मंसिर २४, २०७६

सूचना डेल्ली । २४ मंसिर, काठमाडौं :

केही दिनदेखि सुनको मूल्य ओरालो लाग्ने क्रम रोकिएको छैन । अघिल्लो साता बढेको सुनचाँदीको मूल्य यो साता भने घट्दै गएको छ ।

सोमबारको तुलनामा मंगलबार बजारमा सुन दुई सय र चाँदी पाँच रुपैयाँले घटेको हो । छापावाला सुन मंगलबार दुई सयले घटेर ७० हजार आठ सयमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, तेजावी सुन प्रतितोला ७० हजार ५ सय रुपैयाँमा कारोबार भइरहेको छ । चाँदी प्रतितोला ८३० रुपैयाँमा कारोबार भइरहेको महासंघले जनाएको छ ।

मंसिर महिनामा बिहेको लगन बढी हुने भएको हुनाले सुनको कारोबार बढी हुने गर्दछ ।