रातो पोशाकमा झनै ‘हट’ देखिइन् नीति शाह, फ्यानले भने- सुन्दरताको सीमा छैन

सूचना दैनिक
आइतवार, पुस १३, २०७६

काठमाडौं – सन् २०१७ मा मिस नेपालमा भाग लिनुअघि नै नीति शाहको चर्चा चारैतिर थियो । पछि त झन् उनको चर्चा खुबै हुन थाल्यो । मिस इन्टरनेशनल २०१७ नीतिको चर्चा भइरहन्छ ।

सामाजिक सञ्जालमा पनि नीतिको खुबै चर्चा हुने गर्छ । उनलाई फिल्ममा अफर पनि आइरहन्छन् तर उनले कुनै फिल्ममा पनि काम गर्ने मनशाय बनाएकी छैनिन् अहिलेलाई ।

सानैदेखि मोडलिङ र मिडियामा छाउन चाहने नीति पत्रकारिताकी विद्यार्थी हुन् । उनले ११ कक्षामा हुँदादेखि नै मोडलिङ शुरु गरेकी थिइन् । यद्यपि उनले आफ्नो फिल्मी करिअर भने अझै थालेकी छैनिन् । राम्रो फिल्ममा अफर आए फिल्म खेल्न तयार भएको बताउने नीति पछिल्लो समय कम्पनीका ब्राण्ड प्रमोसनमा भने सक्रिय देखिन्छिन् ।

आफ्नो लूकका कारण सधै चर्चामा रहिरहने नीतिलाई सामाजिक सञ्जालमा फ्यानले खुबै पछ्याउँछन् । हालै नीतिले सामाजिक सञ्जाल इन्स्टाग्राममा केही तस्वीर शेयर गरेकी छिन् । ती तस्वीरमा उनलाई निकै सुन्दर देखिएको छ ।

रातो पोशाकमा सजिएकी नीतिका तस्वीरमा फ्यानले खुबै माया दर्शाएका छन् । एक फ्यानले लेखेका छन्, ‘तपाईंको सुन्दरताको कुनै सीमा छैन ।’

फ्यानले उनको सुन्दरताको खुबै तारिफ गरेका छन् । कतिले भने उनलाई छिट्टै नै फिल्ममा पनि देख्न चाहेको बताएका छन् ।