नेपालमा पहिलो पटक फेला पर्यो अनौठो करेत सर्प

सूचना दैनिक
सोमवार, माघ १३, २०७६

काठमाडौं। नेपालमा पहिलोपटक दुई टाउके करेत सर्प फेला परेको छ । सर्प अनुसन्धानकर्ता कमल देवकोटाको समुहले यस्तो सर्प फेला पारेको जनाएको छ । उनी लामो समय देखि सर्प अनुसन्धानमा लागिरहेका छन् ।

सन् २०१८ मा दुई टाउके सर्प पत्ता लागेको भएपनि त्यसको बारेमा विस्तृत अनुसन्धान पछि मात्र प्रमाणित गर्ने आधार सहित लेख प्रकाशन भएको हो । रुपेन्देहीको बुटवलका देवकोटाले सो कुरा पुष्टि गरेका हुन् । यससम्बन्धी अध्ययन सकाएर दिएको लेख आठ महिनापछि प्रकाशित भएको उनले बताए ।।

देवकोटा र उनको समूहले अध्ययन अनुसन्धान गरी तयार पारेको सर्पसम्बन्धी लेख रेप्टाइल एण्ड एम्फिबियन कन्जरभेसन जर्नल (सरिसृप र उभरचर संरक्षण) जर्नलमा प्रकाशन भएको छ।

यो प्रकाशन अमेरिकावाट प्रकाशित हुँदै आएको छ । उनले यस्तो अनौठो सर्प नवलपुर जिल्लामा भेटिएको बताएका छन् । जुद्धबिर श्रीष मगरले आफनो घरमा देखेको अनौठो करेत सर्प कालिगण्डकी अस्पतालमा लगेका थिए

करेत प्रजतिको दुई टाउको भएको सर्प नेपालमा पहिलो पटक फेला परको हो । विश्वमा भने ६१ वर्ष अघि देखिएको थियो । यस अघि दुई टाउके करेत सर्प भारतको उत्तर प्रदेशमा सन् १९५७ मा भिआर झाको समूहले फेला पारेका थिए। नेपालमा यो भन्दा अगाडी पानी सर्प दुई टाउके देखिएको थियो । दुई टाउके सर्प जेनोक्रोफिस पिस्केटर (पानी सर्प) सर्पबिज्ञ करणबहादुर शाहको समूहले सन् १९८३ मा फेला पारेका थिए। उक्त सर्पको नमुना काठमाडौंको प्राकृतिक विज्ञान संग्राहलयमा राखिएको छ।