बुद्धिमानि मान्छेको दिमाग चल्छ भने मुर्ख मानिसको जिब्रो मात्र चल्छ ।

सूचना दैनिक
शनिबार, असार १३, २०७७

मलाला युसुफजई पाकिस्तानी महिला शिक्षा तथा बालअधिकारवादी कार्यकर्ता हुन् । सन् २०१४ को नोबेल शान्ति पुरस्कार प्राप्त गर्न सफल मलाला स्वात उपत्यकामा तालिबानहरुले केटीहरुलाई बिधालय जान प्रतिबन्ध लगाएको समयमा महिला तथा शिक्षाको लागि वकालत गरेका कारण चर्चामा आएकी हुन् । अक्टोबर २०१२ मा, मंगलबारको दिनमा करिब सवा १२ बजे स्वात उपत्यकाको कस्बे मिंगोरामा बिधालयबाट फर्किरहेको समयमा आतंककारीहरुले हमला गरेका थिए । मलालाको जन्म १९९७ मा पाकिस्तानको खबर पख्तुनख्वाह प्रान्तको स्वात जिल्लामा भयो । आज हामीले उनको जीवन उपयोगी प्रेरक भनाईहरु यहाँ साभार गरेका छौ ।

१. तिमीले निर्णयहरु लिनका लागि, तिमि आफु को हौ भनेर देखाउनको लागि, सबैभन्दा पहिले तिमीले आफुलाई चिन्नु महत्वपूर्ण हुन्छ ।

२. मसंग मेरो इच्छा अनुसार बाँच्न पाउने अधिकार हुनुपर्छ ।

३. समस्यासंग जुध्न र युद्दको विरुद्दमा लड्नको लागि बिचारहरुको उत्पादन र ति बिचारहरुको प्रवाह गर्नु राम्रो विकल्प हो ।

४. यहाँ धेरै समस्या छन् र ति समस्या समाधानका उपायहरु पनि छन् । ति समस्या समाधानका उपायहरु भेटिने उचित शिक्षाले नै हो ।

५. यदि तिमीले कसैलाई मार्छौ भने, तिमीले यो प्रमाणित गरिरहेका हुन्छौ कि, तिमीलाई त्यो व्यक्ति देखि डर थियो ।

६. तिमि सधै अरुको सहयोगमा मात्र भर पर्नु हुदैन ।

७. म गोली हानिएको केटीको रुपमा चिनिन चाहन्न । म त्यसको बिरुद्दमा उठेकी केटीको रुपमा चिनिन चाहन्छु ।

८. एउटा डाक्टरले गोली लागेको बिरामीलाई मात्र बचाउन सक्छ । तर राम्रो राजनीतिज्ञले गोली लाग्नबाट लाँखौ मानिसहरुलाई बचाउन सक्छ ।

९. म मेरो डरभन्दा बलियो छु ।

१०. जीवनको हरेक पल महत्वपूर्ण छ । जुनबेला जे पनि हुनसक्छ । जो व्यक्ति त्यो खतरासंग डराएर आफुलाई बाँधेर राख्दैन, त्यो व्यक्ति नै अगाडी बढ्न सक्छ ।

११. म यो बिश्वास गर्छु कि, बन्दुकमा कुनै शक्ति हुदैन ।

१२. मैले मेरो मृत्युलाई नजिकबाट देखिसकेको छु । तर, मृत्युले मेरो उदेश्यमा सघाउन चाह्यो । मृत्युले मलाइ मार्न चाहन्न ।

१३. मानिसहरु भन्छन् कि, मलालाको आवाज बिक्रि भईरहेको छ, तर म भन्छु, मेरो आवाज संसारभर फैलिरहेको छ । तिमीले पहिला यो बुझ कि, मालाला अर्थात मैले के भन्न खोजिरहेको छु ।